"मोनाबिलि निजोम समाव"
आं जेब्ला जिरायो
मोनाबिलि निजोम समाव
आंनि मेंनाय देहाखौ
गोजोनग्लाबहोनो बाहेराव।
मा एसे समायना
आंनि मेगननि सेराव
जाखांफैयो सांग्रेमानि जोंथि-माथि
जोंनाय महरगोसा नुथायफोरा।
आंखौ एग्थुखांफैयो
मोनाबिलिनि बे निजोम समाव
मेंनाय देहा सोलेरखौ
गोजोनग्लयनाय मोनो आं बावगोमाना।
गोजोन्नाय सदेम बारा नांफैयो
आंनि देहा सायाव
सोरबा अनजालि सिखोलानि
गिसिब सिबनायबादि मोनो।
मा एसे गोजोन्नाय मोनो
गोसोनि सान्नायफोरा जाखांफैयो
गोरबो बिखा सिंखावनानै
मोनाबिलिनि बे निजोम समाव।
मुस्रि बनजिथ गयारि
गामि:उन्दैगामि(निमुवा)।
जानबु:7635992075।।। |
